Kan tan Pathian hun ruat a ni - ZPM Treasurer

Ṭangrual pawl, Zoram Peoples’ Movement (ZPM) chuan nimin khan an pisaah inkhawm an nei a; ZPM treasurer F Rodingliana'n sawiin, sorkar awm tawhte chu Pathianin an tana a hun ruat a nih thu a sawi a, "Kan hma inthlanpui lo awm tur hi keini ho tan Pathian hun ruat a ni ang," a ti.

F Rodingliana chuan, Mizo hnam chu ṭhian chhan thih ngam an ni ṭhin tih sawiin, hmanlaia zawlbûka rál an rêlho ṭhin ang khan Mizo mipuite chu ṭangrual turin a sáwm a, "Tuna sorkar hi mipuiin an duh tawh lo. NGO leh kohhran hruaitute'n ram chhiatzia an zêp thei tawh bik lo a, ram hmangaihtute, Pathian mi leh ṭawngtai mite'n ZPM min au a ni," a ti a; mipuiin an auh angin ZPM chu mipui sorkar, kalphung thar din turin an kal zel dawn thu a sawi.