CYMA leh Myanmar hotute inkâwm

Central YMA, Myan­mar Raltlante Chhawm­dawl Committee member-te leh NGO United for Democratic Myanmar-te chu nimin khan CYMA pisaah an inkâwm a, ráltlânte chhawmdawl chungchang an sawiho.

Inkawmhonaah hian Myanmar MP pali, MLA pathum leh NGO United for Democratic Myanmar hruaitu mi pahnih an tel a; Myanmar ráltlânte ṭanpuina leh tuamhlawmna tura YMA hmalakna hrang hrangah an lawm thu leh, harsatna lian zawk thleng thei reng a nih avangin YMA kutah an innghah thui hle thu an sawi.

Myanmar lam hotute chuan, Myanmar ram tualchhung dinhmun leh CDM/NUG hmalakna te an sawifiah a; sorkar mi leh sa CDM zawmte chungchanga hmalakna ṭul hrang hrangte an sawi bawk.