Rualbanlote inthlana an tel dan tur ngaihtuah

Aizawl district-a ramtuileilo leh piangphunga rualbanlote electoral roll leh inthlanah nasa zawka an inhnamhnawih theih dan tur ngaihtuahin nimin khan Aizawl District Level Consultation meeting neih a ni.

Meeting hi Aizawl DC Dr A Muthamma-i'n a kaihruai a; rualbanlote'n inthlannaa an mamawh hmanraw chi hrang hrang - ramp, wheel chair, etc. ngaihtuahsak dan tur te, vote nei thei kum tling electoral roll-a la inziak lut lote thun dan tur te, inthlan huna awlsam zawka vote an thlak dan turte leh, electoral roll leh election kaihhnawiha hirat tur pawimawh awmte awlsam zawka an hriat dan turte an ngaihtuah.

Inthlan leh a kaih­hnawih thila rualbanlote thûk zawka an tel theih dan tura rawtna an siamte chu State Level Consultation Committee-ah thawn a ni ang a; state tinte rawt­na chu national level-ah thawn leh niin, Strategic Plan ECI-in rawtna beh­chhanin ruahmanna a siam dawn a ni.