Sakhuana party inchirhthehna atana Kan hman fo sim a ngai - BJP President

BJP, Mizoram Pradesh president Prof. JV Hluna chuan, thu chiang awm si loa political party chu sakhuana kaihhnawiha puhmawhna neih fo chu a pawi thei viau dawn niin a sawi a, "Sakhuana hi party inchirhthehnaa kan hman fo hi kan sim a ngai," a ti.

Nimina Mizoram BJP pisaa inkhawmah JV Hlun­a chuan, Mizoramah sakhaw zalenna an hmang ṭha hlea a hriat rualin, India danpui hnuaiah tu pawh an awm vek avang­in IPC Section 295(A)-in a sawi angin, mi tu pawh sakhuana lam thila tum reng vanga sawi bawrhbânsak leh sakhaw lam thila rilru tihnatsak leh diriam taka thil tih chu khap a nih thu leh, dan bawhchhiate chu kum thum tàn leh pawisa chawi­tir theih a nih thu a sawi.

JV Hluna chuan, Mizoramin sorkar a hrawn mek chu Mizo mipuite'n an hre chiang tawh hle tih sawiin, "A der maia ram hmangaihtute an ni," a ti bawk.