KHAWTHLIR

Charge la
Aizawl SP atana ruat thar C Lalzahngoa chuan nimin aṭang khan Aizawl SP charge a la. SP kal chhuak Neihchungnunga chu DIG (Southern Range) ah sawn a ni.]

Cleanliness campaign
Laipuitlang Branch YMA leh SIPMIU chuan nimin zing khan Laipuitlanga Thirhruiban kâwnah 'Mass Awareness Campaign on Cleanliness' an hmang. He hunah hian naupang 300 vel an tel a, faina thu chi hrang hranga an aurual bakah, lemziak leh thuziaka intihsiaknaa ti ṭhate hnenah lawmman sem a ni.

MNF thalaiin Chawimawi
MNF ṭhalaite chuan nimin khan Mizo Hnam Runah MNYF-a Women Empowerment Committee bultumin March 10, 2018-a Bairabi Zophaia Assam police kut tuar Mizo journalist hmeichhia pahnih - Emmy Lawbei, News 18 leh C Lalthansangi, AIR-te chawimawina an buatsaih.

Hrilhfiah
Lawngtlai chief medical officer (CMO) Dr Lalthlamuana hoin nimin khan Health department leh World Health Organization (WHO)-a thawkte'n CMO pisaah Measles-Rubella Campaign neih tur chungchang thuthar thehdarhtute a hrilhfiah a, hriat tur leh tih tur ṭul hrang hrangte an sawiho nghal.

AVBD hruaitu
Association for Voluntary Blood Donation (AVBD) chuan kum 2018-20 chhunga office bearer tur an thlang thar a; president-ah C Lalnunnema, vice president-ah Dr Zoramdinthara, general secretary-ah Lalrinkima, joint secretary-ah Lalrinfela, treasurer-ah F Lalmuanpuii, finance secretary-ah T Lalbiakdika leh publicity secretary-ah K Zothanpara tean thlang.

Hnathawh dan tur zirchiang
State Level Empowerment Committee (SLEC) of SPMRM chu nimin khan chief secretary Arvind Ray hoin CS conference hall-ah an ṭhu a; East Lungdar leh Khawzawl bial tuamtu tur RURBAN Phase-III Integrated Cluster Action Plan (ICAP) hna thawh dan tur ruangám an zirchiang.