Mizoram chhunga kawngpui blacktop Daih rei zawng kum 3-5 tura ngaih a ni

PWD minister Lal Thanzara chuan, Mizorama kawngpui siam, blacktop-te chu kum 10-15 chhung daih tura duan a ni a, mahse, ni zung emna avanga a ram (brittle) ṭhin avangin kum 3-5 chhung vel daih tura ngaih a nih thu Assembly House a hrilh.

PWD Minister hian Assembly session-ah MNF member Dr K Beichhua'n kawngpui blacktop daih rei zawng a zawhna ziaka chhangin, blacktop pavement chu IRC-37 design code anga tih niin, kum 10-15 daih tura duan a nih thu a tarlang a ni.

Minister Lal Thanzara chuan, "Flexible pavement-a surfacing course, alkatra phahah (bituminous layer) hian design load - traffic kal lo mah se, ni zung (sun ray) aṭanga ultra violet ray avangin oxidation a lo awm a, hei hian a tiram (brittle) ta ṭhin a. Chuvang chuan, IRC-82 section 6.5 angin kum 3-5 daih tura ngaih a ni. Chuvangin, kum 3-5 inkarah a chhiat tak tak hmaa resur­face leh hi tihmâkmawh a ni," a ti.

PWD Minister tarlan danin, Mizoram PWD hian National Highway km. 1414.318-a thui leh state road km. 4615.17-a thui an enkawl mek a, NH leh state road an enkawl chu km. 6029.488-a thui a ni. NH kawng 11 leh state highway pahnih bakah, major district road 11, other district road 22, village road 115, city road pahnih, town 7 satellite town road 123 an enkawl bawk.

Mizorama BRO-in an enkawl kawng 14, a thui zawng belhkhawm km. 896.315, Central PWD-in an enkawl kawng pathum, a thui zawng km. 175 leh department dangin an enkawl kawng 32, a thui zawng belhkhawm km. 419.900 a awm bawk a ni.

Mizorama National Highway-te
1. NH-54 (Lailapur - Tuipang) Km. 522.00
2. NH-54A (Hrangchalkawn - Lunglei) Km. 8.500
3. NH-54B (Zero Point - Saiha) Km. 27.380
4. NH-154 (Bilkhawthlir - Bairabi lui) Km. 58.000
5. NH-150 (NH-54 near Phaibawk - Km. 140.000
Sesawng - NewV Vervek - Tuivai)
6. NH-44A (Sairang - Langkaih) Km. 114.618
7. NH-502A - KMMTTP (Lawngtlai - Zocha lui) Km. 90.820
8. NH-102B (Keifang - Saichal - Ngopa - Tuivai) Km. 109.000
9. NH-302 (Lunglei - Tlabung Kawrpuichhuah) Km. 94.000
10. NH-306A (Vairengte - Zohmun - New Vervek) Km. 100.000
11. NH-6 (Seling - Champhai - Zokhawthar) Km. 150.000
Mizoram State Highway
1. Aizawl - Thenzawl-Lunglei Km. 164.000
2. Rengtekawn - NH-154 Km. 6.000
Major District Road-te
1. Serchhip - Thenzawl - Buarpui - Bunghmun Km. 126.000
2. Saitual - Phullen Km. 57.000
3. Serkhan - Bagha Km. 117.000
4. Bilkhawthlir - Saiphai - Natasura Km. 17.6000
5. Buhchang - Phaisen Km. 9.300
6. Mamit - Bairabi Km. 36.000
7. Kawlkulh - NE Bualpui Km. 24.000
8. Tuipuibari - West Kawnpui Km. 18.000
9. West Phaileng - Marpara Km. 80.000
10. Bairabi - Zamuang 28.000
11. Kanhmun - Kawrtethawveng - Tuilutkawn Km. 88.500