Aizawl city bus pali a kâng

Nimin zing dar 3:30 vel khan Ngaizel Bus Terminal-a city bus dah eng emaw zat zinga pali a kang a, bus kan dan hi police-te'n an chhui zui nghal.

Police hotute hnen aṭanga thu dawn danin, city bus termi­nal-a bus ṭhenkhat a kang tih hriat a nih veleh kangṭhelh motor hmangin ṭhelh hna thawh nghal a ni. City bus pathum - MZ-01 C-9219 (a neitu PC Samuela, Venghlui), MZ-01 H-5979 (a neitu Malsawtluanga, Nursery Veng) leh MZ-01 B-3095 (a neitu George Lalpianthanga, Vaivakawn)-te chu a kâng chhe vek a; MZ-01 A-6463 (a neitu Lalthanmawia, Kulikawn) chu a chhe nual bawk.

CCTV aṭanga a lan danin, kângmei hi zing dar 3:37-ah MZ-01 H-5979 aṭangin a kang ṭan a; he bus chhungah hian security duty a muhil niin an sawi.