Claire Foy leh Stephen Campbell inṭhen ve leh

Jennifer Aniston leh a pasal Justin Theroux-te inṭhen thuin media a luah hneh viau a, hetih mek lai hian Claire Foy leh Stephen Campbell Moore-te inṭhen thawm a ri ring ve leh ta hle.

English film star pahnih hian thuchhuah inṭawm siamin an inṭhen thu hi an puang a ni. Claire Foy leh Stephen Campbell-te chuan, "Tunah chuan kan nupa inkar a tawp ta, ṭhian ṭha erawh kan ni reng tho ang" tiin an tarlang. Hetih rual hian an inṭhen chhan an tarlang lo a, an inrin siak mek. SAG-winning actress Claire Foy chuan, "Kum sarih chhung zet kan lo inzui tawh a, mahse tunah chuan kan hun a tawp ve ta a ni. Hriatthiam har pawh kan ti hle a, nimahsela kan pahnih tana ṭha tur zawkah kan ngai ni" tiin, an inṭen chungchang a sawi.

Claire leh Stephen-te hi kum 2011-a tih chhuah 'Season of the Witch' an chan dun aṭanga inzui chho an ni a, kum 2014 khan an innei. Kum 2015 khan fanu Ivy Rose an nei a, fa dang an la neih belh leh lo.