Mamit district ṭhalaite inkau turin an inchah

Mamit District Ṭhalai Pawl chuan thuchhuah siamin, Vairengte daia Assam sorkar chêt dan chu an dem thu an tarlang a; Mamit district-a ṭhalaite chu ram leh hnam chhanna atan inkau turin an chah.

Assam police-te'n Mizoram chhunga buaina an siam fo chu pawi an tih thu sawiin Mamit District Ṭhalai Pawl chuan, "Ṭhenawm ram chhuh luih tuma Assam sorkar chetna hi kan dem tak zet. Mizoram leh Assam inrìna Thinghlun leh Chuhvel (Mamit district) lamah pawh Assam police-te an chêt leh thuai a rinawm avangin a ṭul huna ram leh hnam chhan hnatlang nei thei tura inkau lâwk turin Mamit district-a ṭhalaite kan ngen a ni," an ti.