Buhfai pe chhuak zo thawkhat

Zuangtuia Supply kudam chu buhfai hláng­thla ṭhin muṭia zingah Covid-19 vei an awm avanga May 20, 2021 aṭanga khâr a nih hnuah Food, Civil Supplies & Consumer Affairs (FCSCA) department chuan ruahmanna thar a siam a, retailer-te hnenah May thla quota tur buhfai an pe kim thawkhat tawh.

FCSCA director Ram­dinliani hnen aṭanga Vanglaini thu dawn danin, Supply kudama thawkte zawng zawng chu home quarantine an ni a, chumi avanga mipuiin buhfaiah harsatna an tawh lohna turin ruahmanna thar siam niin, hmun hrang hranga FCSCA office thawkte Zuangtui kudama duty turin pawh khawm an ni.

FCSCA department mi leh sate chuan kudama ṭul hrang hrangte an buaipui a, retailer-te chu lirtheia buhfai hlángtu tur intum tura tih an ni thung. Nimin khan May thla quota chu retailer-te hnenah pek chhuah kim thawkhat a ni.