COVID-19: Mizoram dinhmun : Hripui vei 206 hmuh belh a ni

May 26, Nilaini khan Mizoramah Covid-19 vei mi 206 hmuh chhuah a ni a, hmuh tawh zawng zawng chu 11,142 niin, May 2021 bikah mi 5,011 hmuh chhuah a ni tawh. Nimin khan hripui laka fihlim tawh mi 82 chhuahtir an ni.

Covid-19 vei hmuh tharte chu mipa 87 leh hmeichhia 119 niin, Aizawla veng 34 leh khaw dang 12-a mite an ni a; TrueNAT-PCR hmanga hmuh chhuah pakhat leh RAT hmanga hmuh 205 an ni. ZMC laboratory-ah swab sample endik a ni lo.

Hripui vei hmuh thar mi 206 zingah naupang kum tling lo 34 aia tlem lo an tel a, an zinga a zatve vel chu symptom nei an ni. Kum 60 chung lam mi 15 aia tlem lo an awm a, an zinga pakua chu symptom nei an ni a, an zinga upa ber kum 84 mi pawh symptom nei a ni.

Kumin May thla bik ni 25 chhungin hripui vei mi 5,011 hmuh chhuah a ni tawh a, hmuh tawh zawng zawng aṭangin 44.97% a tling. Mizoramah Covid-19 vei mi 11,142 hmuh chhuah a ni tawh a, mipa 6,780 leh hmeichhia 4,362 an ni. Nimin tlai dar 5:00 thleng khan mi 8,374 (75.16%) chhuahtir an ni tawh a, mi 34 (0.30%) thi tawhin, enkawl mek mi 2,734 (24.54%) an awm.

May 26, Nilainia swab sample endik dan chu - TrueNAT-PCR hmangin district pakuaah 198 leh RAT hmangin district 10-ah 1,765 a ni a; a vaiin sample 1,963 (mipa 1,084 leh hmeichhia 879) niin, chu'ng aṭanga hripui vei hmuh chhuah 207 chu 10.54% a tling.

District hrang hranga hripui vei hmuh chhuah dan chu, Aizawl district-ah 94, Lawngtlai district-ah 48, Lunglei district-ah 44, Serchhip district-ah 10, Kolasib district-ah paruk leh Mamit district-ah panga a ni. Siaha, Champhai, Saitual, Khawzawl leh Hnahthial district-ah hmuh a ni lo. Local council leh VC khata hripui vei hmuh thar tamna ber Electric Veng, Lungleiah chuan mi 38 hmuh chhuah an ni.

IDSP tarlan danin, mi 206 zinga 205 chu Mizorama kái chhâwng an ni a, tun hnaia state páwn aṭanga Mizorama lut mi pakhat chiah a awm. Tualchhunga kái zingah hri kàina hriat loh mi 51 an awm a; Covid-19 symptom nei mi 155 (75.24%) an awm bawk.

TrueNAT-PCR hmanga hmuh chhuah mi pakhat chu tualchhunga kái a ni a; RAT hmanga hmuh mi 205-te chu symptom nei 155 leh nei lo 51 an ni. Nimin khan tlai dar 5 thlengin hripui laka fihlim tawh mi 82 chhuahtir an ni a; district tina chhuak awm dan chu - Aizawlah 65, Serchhipah paruk, Champhaiah pathum, Lunglei, Kolasib, leh Mamitah pahnih ṭheuh leh, Lawngtlai leh Saitualah pakhat ve ve a ni.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a; ZMC-ah positive 4,601 hmuh chhuah a ni tawh a, TrueNAT-PCR hmangin 946 leh RAT hmangin 5,594 hmuh chhuah a ni tawh.

May 26, 2021 thlengin Mizoramah swab sample 3,77,806 endik a ni tawh a, chu'ng aṭanga Covid-19 positive hmuh tawh zat 11,142 chu 2.95% a ni. Hripui vei hmuh tawh zinga mi 7,522 chu Mizoram chhunga kái chhâwng an ni a, mi 3,620 chu Mizoram páwn aṭanga an rawn luh hnua hmuh chhuah an ni thung.

HRIPUI VEI HMUH THARTE
Khua/Veng A zat
AIZAWL DISTRICT
Aizawl Venglai 1
Armed Veng South 2
Bawngkawn 3
Bethlehem Veng 1
Bungkawn 3
Chaltlang 1
Chaltlang Lily Veng 1
Chanmari West 1
Chawlhhmun 3
Chawnpui 1
Chhinga Veng 3
College Veng 2
Dawrpui 2
Dawrpui Vengthar 1
Dinthar 6
Electric Veng 2
Falkland Veng 2
ITI Veng 2
Kanan Veng 1
Khatla 3
Ramhlun North 1
Ramhlun South 1
Ramthar Veng 4
Salem Veng 1
Saron Veng 12
Tanhril 1
Tuikual North 1
Tuikual South 4
Tuithiang 8
Tuivamit CJ Veng 1
Ṭhuampui 1
Venghlui 8
Zonuam 3
Zotlang 1
Sairang Dinthar 4

LUNGLEI DISTRICT
Lunglei Electric Veng 38
Lunglei Venglai 2
Lunglei Chanmari 1
Tlabung 3

KOLASIB DISTRICT
Bairabi 4
Vairengte 1
BSF 1

SERCHHIP DISTRICT
Keiṭum 6
Thenzawl 4

LAWNGTLAI DISTRICT
Kamalanagar-I 32
Kamalanagar-II 13
Kamalanagar-III 1
Lawngtlai-III 1
Lawngtlai Vengpui 1

MAMIT DISTRICT
Rengdil 1
Teirei Forest 4
Zawlnuam 1