MOT-in Aizawl total lockdown zel duh

Covid-19 Medical Operational Team (MOT) chuan total lockdown kalpui mek, May 31, 2021 zing dar 4-a a tàwp hunah pawh Aizawl khawpui bikah total lockdown kalpui zel an duh.

Vanglaini palai zawhna chhangin Covid-19 MOT chairman Dr ZR Thiamsanga, MLA chuan, ei leh bâr dinhmun leh Covid-19 dinhmun thlir kawp pawhin Aizawl bikah chuan inkhàrkhip rih ṭha an tih thu a sawi a, "District dang leh hmun dang chu thu hran ni se, Aizawl khawpui bikah hian hripui vei thar an tlahniam mawh hle. Chuvangin, khauh taka inkhàrkhip rih hi kan la mamawhin kan hria," a ti.

Covid-19 MOT-ah hian sorkar doctor ni lo leh doctor pension tawhte pawh an tel a; an duh dan hrang hrangte chu nimin khan sorkarah an thlen a ni.