COVID-19 VEI SRH-ZMC AH A THI

22nd May, 2021

Covid-19 vei ZMC-SRH-a enkawl lai Tâwkṭiali (kum 63) m/o Thâwnga, Electric Veng, Aizawl chu vawiin May 22 chawhnu dar 2:50 khan a thi a, vawiin tlaiah YMA Hall-ah vui a ni ang. Sorkar chhinchhiah danin, Mizorama Covid-19 vei thi 31-na a ni.

Thu dawn danin, Tâwkṭiali hi kumin February thla aṭanga Myanmar ram buai hnua Tahan aṭanga rawn chhuk a ni a; asthma leh lung (heart) tha lo nei sa a ni.