Central Jail-ah Covid-19 vei

Central Jail-a táng zingah mi pakhat chu Covid-19 vei a ni tih nimin khan hmuh chhuah a ni a, PR bond hmanga chhuahtir nghal niin, Covid care centre-ah dah a ni ang.

Vanglaini thu dawn danin, jail-a lut tharte chu jail ward pangngaia dah an nih hmain ni 15 vel chhung khung hran an ni ṭhin a, nimina Covid-19 positive hmuh chhuah tâk pawh hi khung hranna hmuna awm lai a ni. Nimin khan insawiselna a neih avangin a sample endik a ni a, Covid-19 a vei tih hmuh chhuah a ni.

Jail ward pangngaia dah hmaa khung hranna hmunah mi dang pawh an awm nual a, mi 10 chuang chuan symptom an neih thu an sawi. Chu'ng mite awm dan tur chu he thu ziah lai hian la ngaihtuah mek a ni.