RD department hmalaknate sawiho a ni

Rural Development (RD) department hotute chuan nimin khan video conferencing kaltlangin harsatna leh hmachhawp an neihte an sawiho a, RD minister Lalruatkima'n a kaihhruai.

Meeting-ah hian district leh RD block hrang hranga MGNREGS hnuaia ni 100 inhlawhna kalpui dan an thlirho a; kumin May leh June thlaa hna thawh dan tur leh hmalak dan tur te, MGNREGS hnuaiah tui chhe paihna siamṭhat a, changkang leh awmze nei zawka tuichhe paih kalpui dan turte an sawiho a ni.

District hrang hranga ruahtui khâwl (Jal Shakti Abhiyan - Catch the Rain) pawimawhzia inzirtirna leh hmalak dan an thlir lêt a; hmalak zel dan tur te, India ramin independent a hmuh champha vawi 75-na puala kum 2022 thleng kar khat zela hmalakna tur sorkar laipuiin a duan hrang hranga RD department hmalak dan tur te, department dang

nena thawhhona an neihte an thlirho bawk.

Meeting-ah hian RD Secretary, Joint Secretary, Under Secretary, DRDA project director 11 leh RD Block hrang hrang aiawhte an tel a ni.