Covid-19 vei mi 288 hmuh a ni Hmuh chhuah tam ber ní a thleng
May 20, Ningani khan Mizoramah Covid-19 vei mi 288 hmuh chhuah a ni a, hripui vei hmuh chhuah tam ber ní a ni. May thla bikah mi 3,601 hmuh chhuah a ni tawh a, hmuh tawh zawng zawng aṭangin 37% a tling. Nimin khan hripui laka fihlim tawh mi 43 dam takin an chhuak.
Covid-19 vei hmuh tharte chu mipa 131 leh hmeichhia 157 niin, Aizawla veng 38 leh khaw dang 20-a mite an ni a; ZMC laboratory-a hmuh chhuah mi 97, TrueNAT-PCR hmanga hmuh mi panga leh RAT hmanga hmuh mi 186 an ni.
Mi 288 zingah naupang kum tling lo 52 aia tlem lo an tel a, chu'ng zingah chuan kum khat tling lo pathum awmin, a naupang ber chu thla thum mi a ni. Kum 60 chung lam mi 17 aia tlem lo an awm a, an zingah natna lang chhuak an awm nual.
Mizoramah Covid-19 vei mi 9,732 hmuh chhuah a ni tawh a, mipa 6,129 leh hmeichhia 3,603 an ni. Nimin tlai dar 5:00 thleng khan mi 7,450 (76.55%) chhuahtir an ni tawh a, mi 30 (0.31%) thi tawhin, enkawl mek mi 2,252 (23.14%) an awm.
May 20, Ningania Mizorama swab sample endik dan chu - ZMC laboratory-ah Aizawl leh Kolasib district-a sample lâk 2,169, TrueNAT-PCR hmangin district pakuaah 175 leh RAT hmangin district 11-ah 2,397 a ni a; a vaiin sample 4,741 (mipa 2,629 leh hmeichhia 2,112) niin, ni khata sample endik tam ber ní a ni. Sample 4,741 aṭanga hripui vei hmuh chhuah 288 chu 6.07% a tling.
District hrang hranga hripui vei hmuh zat chu - Aizawl district-ah 212, Champhai district-ah 23, Kolasib district-ah 22, Serchhip district-ah 14, Lawngtlai district-ah 11, Lunglei district-ah pali, Mamit leh Saitual district-ah pakhat ve ve a ni a; Siaha, Khawzawl leh Hnahthial district-ah hmuh chhuah a ni lo.
Mi 288 zinga mi 276 chu Mizorama kái chhâwng an ni a, tun hnaia state páwn aṭanga Mizorama lut mi 12 an awm. Tualchhunga kái zingah hri kàina hriat loh mi 62 an awm a; Covid-19 symptom nei mi 144 (50%) an awm bawk.
ZMC-a hmuh chhuah mi 105-te chu tualchhunga kái 96, state páwn aṭanga tun hnaia rawn lut pakua an ni a; TrueNAT hmanga hmuh mi panga zinga pahnih chu state páwn aṭanga haw an ni. RAT hmanga Aizawl district-a hmuh mi 129 zingah tualchhunga kái 128 awmin, chung zinga 46 chu kaina hriat loh an ni a, healthcare worker pakhat a tel.
Nimin khan tlai dar 5 thlengin hripui laka fihlim tawh mi 43 chhuahtir an ni a; Aizawl district-ah mi 24, Lunglei district-ah mi pasarih, Siaha district-ah mi pali, Khawzawl district-ah mi pathum, Kolasib leh Saitual district-ah pahnih ve ve leh, Champhai district-ah mi pakhat an chhuak.
Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 4,157 hmuh chhuah a ni tawh a, TrueNAT-PCR hmangin 910 leh RAT hmangin 4,664 hmuh chhuah a ni tawh.
May 19, 2021 thlengin Mizoramah swab sample 3,59,267 endik a ni tawh a, chu'ng aṭanga Covid-19 positive hmuh tawh zat 9,732 chu 2.70% a ni. Hripui vei hmuh tawh zinga mi 6,168 chu Mizoram chhunga kái chhâwng an ni a, mi 3,564 chu Mizoram páwn aṭanga an rawn luh hnua hmuh chhuah an ni thung.
COVID-19 VEI HMUH THARTE
Aizawl district
Aizawl Venglai 3
Armed Veng South 16
Bawngkawn 9
Bethlehem Veng 12
Bethlehem Vengthlang 1
Bungkawn 5
Chaltlang Lily Veng 3
Chanmari 3
Chanmari West 3
Chhinga Veng 29
College Veng 1
Dawrpui 11
Dawrpui Vengthar 4
Dinthar 13
Durtlang Leitan 1
Electric Veng 23
Hlimen 1
Hunthar Veng 8
Khatla 4
Kulikawn 1
Luangmual 2
Maubawk 3
Mission Veng 2
Mualpui 2
Muanna Veng 10
Ramhlun South 2
Ramthar North 3
Ramthar Veng 8
Ramhlun Vengthar 3
Republic Vengthlang 1
Salem Veng 1
Saron Veng 5
Tuikual North 2
Tuikual South 1
Tuithiang 8
Tuivamit CJ Veng 1
Venghlui 3
Zokhawsang 2
Lunglei district (4)
Tlabung 2
Lunglei Venghlun 1
Lunglei Chanmari 1
Champhai district (23)
Champhai 1
North Khawbung 1
Leithum 1
Zokhawthar 21
Kolasib district (22)
Rengtekawn 8
Kolasib Diakkawn 3
CRPF 3
Bairabi 4
Vairengte 1
Silchar (Vairengte) 2
Serchhip district (14)
Serchhip 1
Chhingchhip 11
Keiṭum 1
Thenzawl 1
Serchhip (Assam Rifles) 1
Lawngtlai district (11)
Council Veng 2
College Veng 1
Kamalanagar-II 8
Mamit district (1)
Karimganj (Kanhmun) 1
Saitual district (1)
Saitual 1
Tualbung 1