Inkhuahkhirh kaihhruaina tichhuak

October 27, 2020 aṭanga Aizawl khawpuia inkhuahkhirhna kalpui chu Mizoram sorkarin November 9, Thawhṭanni zing dar 4:30 thleng a pawhsei avangin Disaster Management & Rehabilitation department chuan November 2, Thawhṭanni zan khan kaihhruaina a tichhuak.

Sorkar thuchhuah chuan, tun hnaiah Aizawl khawpuiah Covid-19 hri kái thar an pung chak hle tih tarlangin, "An zinga ṭhahnem tak chu an kàina chin chhui chhuah hleih theih loh leh natna lang chhuak an ni. Hri kai enkawl mek zingah dinhmun ngaihtuahawm takte an awm bawk. Chuvangin, vantlang zinga Covid-19 darh zel thei laka invèn nan inkhuahkhirhna khauh zawka kalpui a ṭul ta a ni," a ti. Inkaihhruaina thar hian AMC bikah chuan order awm hmasa zawng zawng a luahlân a ni.