CM Free Drugs Scheme buaipui mek

Health department chuan mipuite'n a thlawna damdawi an dawh theihna turin 'Chief Minister’s Free Drugs Scheme' kalpui turin hma an la mek a, he scheme atan hian cheng nuai 100 an nei tawh.

Thu dawn danin, CM Free Drugs Scheme hi National Health Mission (NHM) hnuaiah kalpui tum a ni a; BPL leh AAY chhungkua ni lo tan pawh damdawi-in leh sub-centre aṭangtein mipuiin a thlawnin damdawi an dawng thei ang. Kalpui dan tur duan mek a ni.

CM Free Drugs Scheme kalpui tur hian Health sub-centre leh damdawi-in velah internet hmanga thil tih tur eng emaw zat a awm a, chumi buaipui tura NHM-in firm a thlan chu Health department lamin an be pawp thei rih lo. Hemi chungchang hi Health department hotute chuan nimina Mizoram rawn thleng NHM mission director CK Mishra sawipui an tum a ni.


Share this Post

Login to comment
No Comments