ECA chairman thar Al-Khelaifi

European Club Association (ECA) chuan Paris Saint-Germain president Nasser Al-Khelaifi chu ECA chairman atan an ruat. European Super League avangin Juventus chairman Andrea Agnelli chuan ECA chairman hna hi a kalsan a, Al-Khelaifi hian a hmunruak hi a hnawhkhat ang.

Kum 47 mi Al-Khelaifi chuan, "Ka thawhpui ECA Executive Board Member-ten chariman atana min ruat hi lawmawm ka ti hle. Tun ang hun khirh takah hian tun hma zawng aiin inpumkhatna ṭha leh thawhhona ṭha kan mamawh lehzual ang. Football-in hma a sawn theih nan turin ka theihna zawng zawng ka chhuah ang," tiin a sawi.

Al-Khelaifi hi Qatari sum dawng hausa a ni a, PSG president a nih bakah hian beIN Media Group chairman leh Qatar Sports Investments hotu a ni bawk. Kum 2011 aṭangin PSG president a ni ṭan a, a kaihhruaina hnuaiah PSG hian French football thununin Europe-ah pawh team ṭha ber zinga mi an ni.