June 5-ah Mayweather vs Logan Paul?

Khawvel boxer ropui ber zinga mi Floyd Mayweather leh YouTube aṭanga khawvelin a hriat Logan Paul ten exhibition match an neih hun chu June 5 ni turin ruahmanna lailawk siam a ni.

Mayweather leh Paul te hian February 20 khan inhnek an lo tum tawh a, amaherawhchu inhnek hun hi an sawn. Tun ṭuma an inhnekna tur hi tarlan a la ni lo a, khawpui panga - Las Vegas, Los Angeles, Miami, Dallas leh Atlanta te chu inhnekna hmun tur atan an belchiang mek.

The Atheltic-in a tarlan danin Mayweather hi exhibition match-ah hian 160 pounds (72.5 kg) aiin a rit thiang lo a, Logan pawh hi 190 pounds (86.18 kg) aiin a rit thiang lo bawk.

Mayweather leh Paul te inhnek tur hi an kaltlang a nih chuan hemi hmaa puan tawh lightweight champion Teofimo Lopez leh George Kambosas te nen a inrual chiah ang.