MLPC-in mi lian leh tê a thliar dawn lo: Zira

Excise & Narcotics minister R Lalzirliana chuan, Mizoram Liquor Prohibhition & Control (MLPC) Act chuan mi lian leh tê a thliar hrang dawn lo niin a sawi.

R Lalzirliana hian nimina Khawlailunga Kurtai Kût a hmanpuinaah thu sawiin, "Zu permit neih hi ruih buai phalna a ni tel lo mai ni loin, rûi buai chu man tur an nih bakah, awlsam taka bail mai mai theih an ni dawn lo. An phû ang tawk hremna an tawrh ngei ngei a ngai tawh dawn a ni," a ti.

Excise Minister chuan MLTP Act hman a ni chungin khaw tin leh veng tin deuhthawah zu zuar an awm tih sawiin, "Dan pawisalotute lahin nawmchenna atan an hmang mai mai a, zu ṭha lo a tam phahin mirethei zawk danin a khap beh site lahin zu chhia an in nasain an thih phah nasa em em a ni," a ti a; chutiang a nih avang chuan sorkarin dan hnuaia zu zawrh ṭha a tih thu a sawi.

Lan mawi duh vanga nihna thup ṭha lo a tih thu sawiin R Lalzirliana chuan, "Hmaithingkáwr vuah chunga Kristian nih ai chuan, a taka Kristian kan nihna lantir ngam a ṭul tawh zawk a ni," a ti.


Share this Post

Login to comment
No Comments