Mahima'n union minister pahnih a hmu

Parliamentary secretary Joseph Lalhimpuia chuan nimin khan New Delhi-ah union minister pahnih - Textile minister Santosh Kumar Gangwar leh Youth Affairs & Sports minister Sarbananda Sonowal te a hmu a; Mizoram mamawhte a sawipui. www.vanglaini.org

Joseph Lalhimpuia hi Textile Minister chuan Mizoramah cheng vbc. 18.18 senna tur Handloom Incubation Centre unit pathum dinna tur chak taka kalpui a nih thu leh national tender pawh chhuah a nih tawh thu a lo hrilh a, "Mizoram sorkarin min sawmna angin April thla chhungin keimah ngeiin a lungphûm ka phum hman ka beisei," a ti. www.vanglaini.org

Santosh Kumar Gangwar chuan, Mizoramah handloom tihhmasawnna turin cluster approach-a hmalak tum a nih thu te, chuta tan chuan Mizoram sorkarin cluster 17 a siamte pawh pawm a nih thu leh, Mizoram tan theihtawpa hmalak a tum thu a sawi bawk. www.vanglaini.org

Youth Affairs & Sports minister Sarbananda Sonowal a hmuhnaah Joseph Lalhimpuia chuan, nikuma prime minister hnena School Sports Infrastructure tihchangtlunna a dil chungchang a hrilh a, Mizoram School Education-a division 22-te tan indoor/outdoor sports atana ruahmanna siam turin Sarbananda Sonowal chu a ngen a ni. www.vanglaini.org

Sarbananda Sonowal chuan, Joseph Lalhimpuia thu thlente chu a theih ang anga bawhzui a tum thu a hrilh. Joseph Lalhimpuia hian March 10 khan Human Resource Development secretary Vrinda Swarup leh joint secretary Rada Chauhan-te a hmu a; RMSA hnuaia scheme ṭhenkhat tihtawpin Mizorama harsatna nasa tak a thlen dawn a, ngaihtuah nawn leh turin a ngen a ni.


Share this Post

Login to comment
No Comments