Hawla leh Thanzara hna zo loah puh

MNF party ṭhalaite chuan thuchhuah siamin, chief minister Lal Thanhawla leh a nau, minister of state Lal Thanzara te chu an chan department-te enkawl hneh loah an puh.www.vanglaini.org

MNYF chuan, Congress sorkar hnuaiah Mizorama kawngpuite a chhe em em reng mai nia sawiin, kawng chhia vangin chhiatna a thlegn fo niin an sawi a, "Tun ṭhál chhunga kawng chhia an siam thei dawn lo a nih chuan CM hian Finance a enkawl hneh loh vanga mi dang kuta a hlan ang khan PWD hi a rang thei ang berin mi dang kutah hlan vat se kan duh," an ti.www.vanglaini.org

MNYF chuan, Health minister Lal Thanzara'n BPL chhungkuaa mite'n thisen sawngbawlna man unit khatah Rs. 550 an chawi ve a ngai lo anga a sawi laiin, March 3, 2015-ah BPL chhungkuaa cancer vei mek pakhat chuan State Referral Hospital-ah thisen bag hnih an hmanah Rs. 1,100 a chawi niin an tarlang a; hemi chungchang hi sawifiah tur leh thisen sawngbawlna man lak titawp nghal tura Health Minister an phût thu an sawi.www.vanglaini.org

Lunglei Civil Hospital-ah tun hnai khan nau zai chhuahnaah mi pakhatah Rs. 410 zel an la nia sawiin, MNYF chuan, "Mak kan ti a. Nau neih lawmman sorkarin a siam zawk laia nau neih man lak a ni hi Health Minister hian a chhan chiang taka sawifiah turin kan phût a ni," an ti.Health sub-centre tinte chu a nih tur ang bungrua leh hmanruaa thuam ṭha turin an phût bawk.


Share this Post

Login to comment
No Comments