MPYCC tarlan danin, Tuirial HEP siam turin Lal Thanhawla kaihhruai Congress sorkarah July 7, 1998-ah Mizoram sorkar leh NEEPCO-ten inremna an ziak a, HEP siamna tur sum ruahman chu cheng vbc. 368.72 a ni. MNF sorkar lai October 2004-ah revised estimate tiin, cheng vbc. 808.55 an siam a, chutah chuan Environment & Forest department leh mimala zangnadawmna pek tur cheng vbc. 47.24 pawh a tel. www.vanglaini.org
MNF sorkar laia Tuirial HEP khuah hna tihtawp a nih chhan chu MNF sorkara lal chhungkuate'n uchuak taka zangnadawmna an lak vang nia sawiin, MPYCC chuan, "Compensation uchuak tak vanga Tuirial HEP tihṭhuanawp avang hian CBI-ten chhuiin mi pakua an chargesheet a ni," an ti. www.vanglaini.org
Congress ṭhalaite chuan, Mizoramin tunah hian state dang aṭangin kawlphetha unit khat Rs. 9.02-in a la lut mek nia sawiin, hei hi Tuirial HEP hman a nih huna Mizoramin a chan ve tur 12% baka kawlphetha a leina tur unit khatah Rs. 9 vel chu tuna state dang aṭanga leina aiin a la hniam tho niin an sawi a; state dang aṭanga sorkarin power a lak luhna manah hian mipui chawi ai sorkarin kum tin cheng vbc. 168.77 a chawi niin an sawi bawk. www.vanglaini.org
Congress party-in sorkarna a siam leh hnua Tuirial HEP an tharthawh leh hnuah, estimate chu cheng vbc. 1300 a tling chho ta tih sawiin, MPYCC chuan, "A tira cheng vbc 400 vel tling loa zawh theih tur, kum tam tak hnua vbc. 1300 chuang sen a ngai ta hi MNF sorkar Pu Zoramthanga hoin an tihsukuk a ni," an ti.
Login to comment
Latest Comments (1)
Sangsangi Pa - 12th Mar 2015 08:00:09 AM
Ram hmasawnna tura ke kan pen dan kawngah hian, thahnemngaihna avangin kan in sawisel thin a, a tha e. Mahse kan insawisel dan hi kan thatpui theihna tur zawng ni thei hram se....
Tuirial HEP chungchangah pawh hian, insawiselna ringawt zawnglo in, kan hmachhawp mek hi 'engtinnge kan zawh theih ang' tih lam hawi hian in finchhuah ta zawk ila... Zoram thatna tura thawk theuh kan nih chuan kan hlawkpui zawk ngei ang.