Mi pahnihin zangnadawmna lawm takin hnawl

Kawnpui leh Buichali inkar kawng siam mek atana ram lak neitu pahnih H Lalnghakliana, Kawnpui Chhim Veng leh Zoramthanga, Kawnpui Bangla Veng te chuan zangnadawmna an dawng duh lo.

Huan neitu pahnihte chuan kawngpui siam mek chu ram leh mipuite tana hmasawnna thlentu tur a nih avangin sorkarna hmalakna lawm takin an dawngsawng tih an sawi. 

H Lalnghakliana hi a huan metres 150 a thui kawngpui atana laihsak a ni a, zangnadawmna lak a tum loh thu a sawi chungin, hnathawktu ABCI chuan lawmthu sawina atan Rs. 50,000 an pe.

H Zoramthanga chuan lei laihna vung avangin thingfanghma, balhla etc. a chan a, Rs. 50,000 dawng tura tih a ni. Mahse, zangnadawmna aiin kawngpui ṭha a pawimawh zawk tiin a pawisa dawn tur a hnawl.


Share this Post

Login to comment
Latest Comments (1)
lawmkunga - 11th Mar 2015 06:40:19 AM

mi pamham pui pui zinga hetiang mi tha an lo awm hian nun a tinuam thin