Vanglaini - CADC chhungah bandh dawn

KHAWTHLIR

Hlawh vangin lawm

Mizoram Deficit Mission Schools Association leh Mizoram Government Adhoc Aided School Teachers Union-te chuan thuchhuah siamin, sum harsat laia Mizoram sorkarin February 2015 thleng hlawh ṭha taka a pek theih avangin lawmawm an tih thu an tarlang a, "Kum 2015 chhung pawh hian a hun taka hlawh lak zel theih nan sorkarin hma a laksak zel niin kan hria," an ti.

Motor lian kal phal lo

Aizawl Traffic SP chuan thupek chhuahin, Aizawl New Market area chhungah lirthei lian (HMV) leh lirthei laihawl (MMV) rit phur kal phal a nih tawh loh thu a tarlang. Motor lian kal phal loh chhan hi New Market chhunga culvert-te a rinawm tawh loh vang a ni.

Zirhona buatsaih

Mizoram University-a Psychology department leh Alumni Association of Psychology, MZU ṭangkawp chuan nimin khan MZU-ah ngawlveite enkawl dan chungchang zirhona an buatsaih a, minister Lalrinmawia Ralte-in a hawng.

Lungawi lohna Lantir dawn

Airports Authority Employee's Union (AAEU) chuan vawiin hian sorkar laipuiin Chennai, Kolkata, Jaipur leh Ahmedabad Airport privatise a tum duhlohna lantirna atan lungawi lohna an lan tir dawn a, Lengpui Airport a hnathawkte pawhin an thlawp dawn.

Thiam loh chang

Kum 2012 a hmeichhe naupang kumtling lo pawngsualtu Pau Zadinga chu nimin khan Additional District Session Court-in thiam loh a chan tir a, hrem a nih dan tur puan a la ni lo. Pau Zadinga hi IPC 376 (2) hmanga thiam loh chantir niin, kum 10 aia tlem lo lungin tantir emaw, dan chhung tang tura hrem theih a ni.

DAWNTISEI

CADC chhungah bandh dawn

BJP, Chakma district-te chuan March 12, 2015 khian Chakma Autonomous District Council huam chhungah darkar 12 awh total bandh an huaihawt dawn.www.vanglaini.org

Chakma district-a BJP-in Chawngte SDO(C) hnenah ziaka bandh neih an tum thu an hrilh danin, March 12 zing dar 5 aṭanga tlai dar 5 thleng bandh an huaihawt dawn a; bandh an neih chhan tur chu - CADC sorkarin dik lo taka an thuneihna an hmanga an hriat vang leh CADC chhunga V/C ṭhenkhata nominated member ruat danah dik lo taka thil an tih vang niin an tarlang.www.vanglaini.org

Share this Post

Login to comment

Latest Comments (1)

Remruata123 - 11th Mar 2015 06:41:03 AM

an kawng zawh tur chhan chu avaho leh angreng sive. nimin lama vanglaini arawn chuang Chakma ADC thiat turin Larsap (Governor) hnen ah lehkha thehlut. tih kha ka lo chhiarin avahan fuh dawn em. Mizo mipui te pawhin he thu hi thutak ah lain remchang ah hmang ila, Chakma ADC hi thiat turin Governor chu nawr hlawm ila avahan tha dawn em tiin ka ngaihtuaha. Mizoram sorkar hian a bengkhawn lo anih chuan MNF emaw, YMA,MTP,MSU leh MZP adt..Party anih loh leh Pawl dingsa pakhat khat hian hma rawnla zui vat sela. Mizo mipui ten an hnung zuiin lo thlawp vek bawk ila CADC thiat tur hian Mizoram pum huapin kawng zawh mup mup mai ila ka lo ti asin aw.. kan tih dan chu CADC kan thiah hmel lo tlat. Mizoram kan ram neih chhun zimte ah hian ADC 3 meuh mai kan neia. hei hi thil thalo tak ani. thiah vek aduhawm. CADC ngat phei hi chu arang lama thiah aduhawm ani. tuntum ah pawh hian kan titlawrh leh hmel tlat. CADC hi thiat ila engkim afel duak mai ang. Mizoram leh Mizo tan hian ADC awm hi thiltha anih loh zia chu kan hretheuh ngei ang. chuvangin hmala a mipui min hruai tu tur kan mamawh ani.