Champhaiah SVEEP Quiz buatsaih

Champhai District Election office chuan nimin khan Systematic Voters’ Education & Electoral Participation (SVEEP) kaltlangin IPR auditorium-ah SVEEP Quiz an buatsaih a, DEO Maria CT Zuali'n a hmanpui. SVEEP hi inthlan kaihhnawih inzirtirna leh felfai taka vote thlak theihna tura hmalakna a ni.

Maria CT Zuali chuan, high school zirlaite tana election chanchin leh hriatna tipung thei tur quiz buatsaih a ni chu lawmawm a tih thu a sawi a; duh thlang thei tura ṭhangtharte chakna pek leh thianghlim leh felfai taka vote an thlak thiam theihna turin zirtirna pek a ṭul thu a sawi.

Intihsiaknaah hian Champhai district-a high school 10 aṭangin zirlai mi pahnih zel an tel a; pakhatnain Rs. 10,000, pahnihnain Rs. 7,000, pathumnain Rs. 5,000 leh palinain Rs. 3,500 an dawng dawn a, tel zawng zawngin Rs. 2,000 ṭheuh an dawng dawn bawk.