April 14-20, 2015 chhungin Mizoramah Fire Service Week hman a ni dawn a, a hman dan tur ngaihtuahin nimin khan chief secretary Lalmalsawma hoin CS conference hall-ah mi pawimawhte an ṭhukhawm. Kumina Fire Service Week thupui chu 'To prevent fire - adopt safe housekeeping practices & approved electrical appliances' tih a ni. www.vanglaini.org

Meeting-ah hian, Fire Service Week hawn niah kangmei laka fimkhur a ṭulzia puan chhuahna chief secretary thuchah chu DDK leh local cable TV-ah tihchhuah te, chanchinbu hrang hrangah leh TV-ah inzirtirna tihchhuah te, sikulah inzirtirna buatsaih te, sorkar department tinah fimkhur a ṭulzia inzirtirte an rel.www.vanglaini.org

Dan kalha kawng sir leh mahni ina petrol leh diesel zuartute dap chhuah a, dan anga hrem te; V/C leh Local Council tinah a zing thei ang bera kângmei laka fimkhur a ṭulzia mipuite hnenah vantlang aurinna hmanga puanzar te, Week khar níah Aizawlah kang ṭhelh motor hmanga awareness programme buatsaihte an rel bawk.www.vanglaini.org

Share this Post