Zirtirtu nei tlemte inhriattir turin ngen

MZP chuan thuchhuah siamin, zirtirtu nei tlem zikul leh khuate chu March 31, 2015 ral hmaa MZP Pisapuia inhriattir turin an ngen.

MZP chuan, zirtirtu indaih lohna sutkian a nih theih nan zirtirtu post ruak hnawhkhat turin hun rei tawh tak aṭangin sorkar thuneitute an ngen tawh ṭhin tih sawiin, "Mizoram hmun hrang hrangah zirtirtu awm mumal lohna leh indaih lohna sikul ṭhahnem tak a la awm a, a bikin thingtlang lamah zirtirtu an nei mumal lo a, hei vang hian thingtlanga zirlai tam takin zirna ṭha an dawn theih loh phah a ni," an ti.www.vanglaini.org

MZP chuan, zirna ina zirtirtu nei lo leh zirtirtu awm mumal lohna sikulte'n mumal taka zirna an kalpui theih nan hmalak an tum thu sawiin, sorkar hotute chu zirtirtu indaih lohna sikulte zirtirtu pe turin an ngen a; an hmalakna turah hian sikul leh khaw hrang hrang, zirtirtu nei tlemte chu MZP-a inhriattir turin an ngen a ni.www.vanglaini.org

Mizoram Scholarship Board (MSB)-in zirlaite scholarship pawisa zirlaite bank account-a an thun dan a mumal lo hle nia sawiin, MZP chuan, "Zirlai ṭhenkhatin an dawn tur aia tam an hmuh laiin, ṭhenkhatin an dawn tur aia tlem an dawng a ni," an ti a; scholarship sem dana thil dik tawk lo awm chu chingfel thuai turin MSB an ngen. www.vanglaini.org

MZP chuan, Mizorama dan loa sumdawng hnam dangte dap chhuah hna an thawk leh dawn tih an sawi bawk.


Share this Post

Login to comment
No Comments