COVID-19: Mizoram dinhmun Hripui vei 90 hmuh belh a ni

April 20, Thawhlehni khan Mizoramah Covid-19 vei mi 90 hmuh belh a ni a, April thla chhung­in mi 614 hmuh chhuah a ni tawh. Nimin khan hripui laka fihlim tawh mi pasarih chhuahtir an ni.

Covid-19 vei Thawh­lehnia hmuh tharte chu mipa 48 leh hmeichhia 42 an ni a; ZMC laboratory-a hmuh chhuah mi 30 leh RAT hmanga hmuh chhuah mi 60 an ni. TrueNAT-PCR hmanga swab sample endik zingah positive an awm lo.

Mizoramah Covid-19 vei mi 5,085 hmuh chhuah a ni tawh a, mipa 3,588 leh hmeichhia 1,497 an ni. Nimin tlai dar 5 thleng khan mi 4,576 (89.99%) chhuah­tir an ni tawh a, mi 12 (0.24%) thi tawhin, enkawl mek mi 497 (9.77%) an awm.

April 20, Thawhlehnia Mizorama swab sample endik dan chu, ZMC laboratory-ah 541, TrueNAT-PCR hmangin district pangaah 36 leh RAT hmangin district pakuaah 2,028 a ni a; sample endik zawng zawng chu 2,605 (mipa 1,488 leh hmeichhia 1,117) niin, chu'ng aṭanga hripui vei hmuh 90 chu 3.45% a tling.

Mizorama Covid-19 vei hmasa ber chu March 24, 2020 khan Guwahati Medical College-ah hmuh chhuah a ni a, chumi hnua hmuh chhuah leh hmasak ber chu June 1, 2020-ah niin, ZMC laboratory-ah hmuh chhuah a ni. ZMC-ah positive 2,757 hmuh chhuah a ni tawh a, TrueNAT-PCR hmangin 710 leh RAT hmangin 1,617 hmuh chhuah a ni tawh.

Thawhlehnia Covid-19 vei hmuh chhuah mi 90 zinga mi 60 chu Mizorama kái chhâwng nia hriat niin, mi 30 chu state páwn aṭanga rawn lut hlim leh tun hnaia rawn lutte an ni a; tualchhunga kái mi 60 zingah hri kàina hriat loh 17 an awm. Covid-19 natna lang chhuak mi 30 an awm bawk.

Hripui laka fihlim tawh mi pasarih chu nimin khan enkawlna hmun aṭangin chhuahtir an ni a; SRH-ZMC aṭangin mi pakhat leh Durtlang BSUP CCC aṭangin mi paruk an chhuak a ni. IDSP Bulletin tarlan danin, April 19, 2021 thlengin Mizoramah swab sample 2,80,293 endik a ni tawh a, chu'ng aṭanga Covid-19 positive hmuh tawh zat 5,085 chu 1.81% a ni. Hripui vei hmuh tawh zinga mi 2,468 chu Mizoram chhunga kái chhâwng an ni a, mi 2,617 chu Mizoram páwn aṭanga an rawn luh hnua hmuh chhuah an ni thung.

Covid-19 vei hmuh chhuahte
ZMC-A HMUH CHHUAHTE (M-18, H-12)
CRPF - 9: Mipa 9 kum 25-58 inkar, CRPF mi Lengpuia awm, tun hnaia state pawn aṭanga rawn lut, symptom nei lo vek.
Bethlehem - 1: Hmeichhia thla 5, positive contact vanga endik, symptom nei lo.
Chaltlang - 1: Mipa kum 11, positive contact vanga endik, symptom nei lo.
Chanmari - 1: Hmeichhia kum 25, April 5-a Delhi aṭanga haw, symptom nei.
Chawnpui - 1: Hmeichhia kum 34, April 10-a Mumbai aṭanga haw, symptom nei lo.
Electric Veng - 3: Mipa kum 8 leh hmeichhia kum 9 & 62; positive contact vanga endik, symptom nei lo.
Hunthar Veng - 1: Mipa kum 24, zin dawn vanga sample endik, symptom nei lo.
Ramhlun North - 1: Mipa kum 25, positive contact vanga endik, symptom nei lo.
Thakthing Veng - 1: Hmeichhia kum 72, positive contact neih vanga endik, symptom nei lo.
Venghnuai - 6: Mipa kum 12, 54 & 74 leh hmeichhia kum 5, 30 & 35; positive contact neih vanga endik, symptom nei lo vek.
Lengpui - 2: Mipa kum 27 & 28, Bihar aṭanga haw leh positive contact nei, symptom nei lo.
Lunglei - 3: Mipa kum 12 leh hmeichhia kum 2 & 4; positive contact neih vanga endik, symptom nei lo.

RAT HMANGA HMUHTE (M-30, H-30)
Airport-a hmuh chhuah - 15
Bawngkawn South - 1: Mipa kum 20, Noida aṭanga haw, symptom nei lo.
Chawlhhmun - 1: Mipa kum 35, Patna aṭanga haw, symptom nei lo.
Chhinga Veng - 1: Hmeichhia kum 23, Delhi aṭanga haw, symptom nei lo.
Durtlang North - 1: Mipa kum 24, Varanasi aṭanga haw, symptom nei.
Durtlang - 2: Mipa kum 33 & hmeichhia kum 15; mipa Kolkata aṭanga haw, symptom nei; hmeichhia Delhi aṭanga haw, symptom nei lo.
Durtlang Leitan - 1: Mipa kum 19, Bangalore aṭanga haw, symptom nei.
Electric Veng, Aizawl - 1: Mipa kum 22, Delhi aṭanga haw, symptom nei lo.
Kanan Veng - 1: Hmeichhia kum 15, Delhi aṭanga haw, symptom nei.
Republic Veng - 1: Hmeichhia kum 57, Delhi aṭanga haw, symptom nei lo.
Thakthing Veng - 1: Hmeichhia kum 22, Kanpur aṭanga haw, symptom nei.
Tuikual South -1: Mipa kum 27, Kolkata aṭanga haw, symptom nei lo.
Zuangtui - 1: Mipa kum 22, Delhi aṭanga haw, symptom nei.
Lunglei - 1: Mipa kum 32, Kolkata aṭanga haw, symptom nei lo.
Lawngtlai - 1: Mipa kum 30, Kolkata aṭanga haw, symptom nei.

Aizawla hmuh chhuah - 24
Armed Veng - 1: Hmeichhia kum 33, symptom neih vanga endik, kaina hriat loh.
Bethlehem Vengthlang - 4: Mipa kum 5 & 37 leh hmeichhia kum 9 & 30; hmeichhia kum 30 kaina hriat loh, mi dang zawng kaina hriat; symptom nei 3.
Chanmari - 2: Hmeichhia kum 32 & 56; symptom neih vanga endik, kaina hriat loh.
Chhinga Veng - 2: Hmeichhia kum 30 & 35; pakhat positive contact nei, symptom nei; pakhat kaina hriat loh, symptom nei lo.
Damveng - 2: Mipa kum 26 & hmeichhia kum 28; positive contact nei, symptom nei.
Dinthar - 2: Mipa kum 59 & 63, kaina hriat loh, symptom nei ve ve.
Electric Veng - 1: Mipa kum 52, symptom neih vanga endik, kaina hriat loh.
Hlimen - 1: Mipa kum 27, kaina hriat loh, symptom nei lo.
Kanan Veng - 1: Hmeichhia kum 15, positive contact nei, symptom nei.
Khatla - 1: Mipa kum 40, symptom neih vanga endik, kaina hriat loh.
Lengpui - 1: Hmeichhia kum 39, positive contact nei, symptom nei.
Mission Veng - 1: Mipa kum 26, symptom neih vanga endik, kaina hriat loh.
Zemabawk - 1: Mipa kum 70, kaina hriat loh, symptom nei lo.
Zotlang - 1: Hmeichhia kum 34, kaina hriat loh, symptom nei lo.
Sairang - 1: Mipa kum 14, positive contact nei, symptom nei.
Champhai - 2: Hmeichhia kum 30 & 40; kaina hriat loh, symptom nei lo ve ve.

Serchhipa hmuh chhuah - 1
Sainik School: Mipa kum 7, positive contact nei, symptom nei.

Lawngtlai district-a hmuh - 16
Borkolok - 14: Mipa 4 & hmeichhia 10, nausen aṭanga kum 59 inkar, thla 4 leh thla 8 mi an tel. Positive contact nei, symptom nei 4.
Longpuighat - 2: Mipa kum 27 & hmeichhia kum 28, positive contact nei, symptom nei lo.

Mamit district-a hmuh - 2
Kanhmun Screening Point - 2: Mipa kum 28 & 36, Mizorama lut tur, symptom nei lo ve ve.

Kolasib district-a hmuh - 2
Vairengte Screening - 1: Hmeichhia kum 23, Bihar aṭanga haw, Thingsulthliah khua, symptom nei lo.
Chhinga Veng - 1: Hmeichhia kum 67, positive contact nei, symptom nei lo.