NULA CHHUANAWM

Covid-19 vei enkawl lai, CT Ramnunmawii (CT-i), Ruantlang, Champhai chu hripui vei ve tho pitar kum 93 mi awmpuia enkawl turin a inpe. CT-i hi Delhi-a LLB zir lai a ni a, April 6 khan a rawn haw. A rawn haw hian Lengpui Airport-ah RAT hmangin a sample endik a ni a, a negative. April 8-ah RT-PCR-in a sample test leh a ni a, a negative leh. Symptom a neih avangin April 10-ah test nawn leh a ni a, a positive tih hmuh a ni.

Durtlang BSUP CCC-ah enkawl a ni a, a ṭha chak viau. April 20, Thawhlehni kha a sample test leh hun tur a ni a, a negative chuan chhuak tawh turah a inngai. Mahse, April 19-ah kum 93 mi dah luh ve a ni a; tar chak tawh lo, enkawl mamawh a ni tih a hriatin thuneitute phal angin a enkawl zui ta a ni. April 19 zan khan SRH-ZMC-ah sawn phei an ni a, a sample pawh test nawn a ni ta rih lo.

CT-i chuan, "Ka pi hi amah a tar ve tawh nen, BSUP-a an dah chhan pawh hrethiam thei loin haw a ngên a. Ka lainat êm a, amaha awmtir chi a ni lo tih ka hria a, enkawl turin ka inpe ta a ni," a ti.