Tuirial HEP luah chin ram kumkhua atan NEEPCO pek a ni: ZNP ṭhalai president

ZNP ṭhalai president Lalmuanpuia Punte chuan, Tuirial Hydro Electric Power (HEP) project atana Mizoram sorkar leh NEEPCO-in May 29, 1996-a inremna thuthlung an ziahah, Tuirial HEP awmna tur ram sq.metre 1,861 chu kumkhua atan NEEPCO hnenah pek a nih thu a sawi.www.vanglaini.org

Lalmuanpuia Punte hian nimin khan Aizawl Press Club-ah thuthar thehdarhtute a kâwm a; Tuirial HEP chu October 2016-ah hawn (commission) tum ni mah se, tuna an hnathawh dan enin, an tum hunah hian hawn a nih an rin loh thu an sawi.www.vanglaini.org

ZNP ṭhalai president sawi danin, Tuirial HEP atan hian Congress sorlṭkar lai May 29, 1996-a inremna an ziah hnuah, MNF sorkarin kum 2002-ah hma a la ṭan a, mahse zangnadawmna sang lutuk vangin kum 2004-ah tihtawp a ni. Kum 2011-ah Congress sorkarin a tharthawh leh a, October 2016-ah peihfel tum a ni.

Lalmuanpuia Punte chuan, Tuirial HEP-a kawlphetha siam chhuah zinga 12% chu Mizoram chan tur a ni a, 88% chu NEEPCO chan tur a nih thu leh, fûrah kawlphetha megawatt 60 leh ṭhálah 18 MW siam chhuah theihna tur a nih thu a sawi a, "Mizoramin kan chan tur chu fûrah 7.2 MW leh ṭhál laiin 2.16 MW a ni a; a bâk chu kan hmang duh a nih pawhin kan lei tur a ni," a ti.

Lalmuanpuia sawi danin, Tuirial HEP chu NEEPCO-in hydel project khawih tawh zinga power a siam chhuah zat aṭanga tehin a hautak ber a ni a, a tira estimate cheng vbc. 460 chu tunah chuan vbc. 1381 a ni tawh a; power unit khat siam chhuah nan Rs. 9 an sêng dawn a ni. Hydel project dangah chuan power unit khat siam nan Rs. 2 - 5 vel an sêng tlangpui.www.vanglaini.org

Congress party-te'n Tuirial HEP chu uanpui viau mah se, a man a to avangin kawlphetha a siam chhuah chu state dangin an lei duh lo palh thei tih sawiin, Lalmuanpuia Punte chuan, "State dangin an lei lo a nih pawhin kan sorkarin lei vek a intiam a ni," a ti.www.vanglaini.org

ZNP ṭhalai president chuan, Tuirial HEP chu kum 100 daih tura ngaih a ni a, mahse Mizoram sorkar leh NEEPCO agreement point 8-ah chuan, 'He project atana ram mamawh tur zawng zawng Mizoram sorkarin a acquire ang a, NEEPCO kutah a hlan ang,' tiin an ziak niin a sawi a, "Kum 100 chauh hman tlak tura beisei ni siin, kumkhua atan NEEPCO tan ram a hlan hmiah mai hi a ni," a ti a; Tuirial HEP chu Congress party-in chhuang viau mah se, Mizote'n ram an hloh leh thil dang a tihchhiatte nen khaikhinin, a chhuanawm loh niin a sawi.www.vanglaini.org

Lalmuanpuia Punte chuan, ZNP sorkarna a chan hunah chuan renewable energy lam an uar dawn thu leh, megawatt 50 siam chhuak thei solar power din an tum thu a sawi a bawk.


Share this Post

Login to comment
No Comments