Sumdawnna bungrua dan loa Mizorama lakluh tur kum 2010 aṭanga 2014 chhunga Vairengtea Taxation department check gate-a an man sakte pawisa chawi tlingkhawm chu cheng nuai 52 chuang a ni.

Thudawn danin, Vairengtea Taxation department checkgate hi nitin motor lian 100 chuangin a paltlang ṭhin a, way-bill tel loin Mizoramah bungrua phurh luh tum engemzat an awm ṭhin. Phalna nei loa bungraw lakluh tum man chhuahte chu chhiah an chawi tur pangngai aia a let nga a tam an chawi tir ṭhin.

Dan loa Mizorama bungraw lakluh tum hi kum tin a pung a, nikum April-December thla chhung bika dan loa bungraw lakluh tum Taxation checkgate-a an mante pawisa chawi tlingkhawm chu cheng nuai 24 vel a ni.

Share this Post