Arunachal NPP, JD(Secular), JD(United)-ten LS candidate list pahnihna tichhuak

Meghalaya Chief Minister Conrad Sangma kaihhruai NPP, Janata Dal (Secular) leh Janata Dal (United)-te chuan Zirtawpni liamta khan Lok Sabha leh assembly inthlana an candidate tur list pahnihna an tichhuak.

Conrad Sangma party-te hian Arunachal West parliamentary seat-a ding turin Khyoda Apik chu an thehchhuak a, Arunachal East constituency-ah erawh an party aiawha ding tur an awm dawn lo niin state unit NPP chuan an tarlang. Anni bakah hian assembly inthlana ding tur hming panga an tarlang bawk a ni.

JD (S) state unit pre­sident Rokom Apang chuan list pahnihnaah hian candidate hming pasarih an tarlang tih sawi a, LS inthlanah chuan Jarjum Ete (West parliamentary constituency) leh Bandey Mili (East parliamentary constituency)-te an din dawn thu an tarlang tawh bawk.

JD (U) state convenor Ruhi Tagung chuan sitting MLA pahnih Techi Kaso (Itanagar) leh Dikto Yikar (Daporijo)-te bakah midang paruk hming a tarlang a, JD (U) hian candidate 13 an nei dawn ta a ni.