J&K-ah JeM firfiak pathum man

Jammu and Kashmir police-te chuan Pathianni khan Narabal-a Srinagar-Baramulla Highway-a checkpoint-ah Jaish-e-Mohammad (JeM) firfiak pathum an man.

Police-te hian thu an dawn bawhzuiin check point-ah firfiakte hi lo changin an lo man a, an kut aṭang hian silai leh a mute an man tel bawk. Firfiak pathum mante lakah hian thubuai ziahluh nghal a ni.

Kar kalta Zirtawpni khan security force-te chuan Shopian district-ah JeM firfiak pahnih an lo kaphlum tawh bawk. Army official chuan firfiak an awm thu an dawn vangin Shopian-a Imam Sahib bialah beihpui an thlak nghal a, firfiakte hian lo kap hmanin an inkap zui niin an sawi. Firfiak pahnih kahhlum niin security force lamah hliam an awm lo a, an mi kahhlumte hi Jammu and Kashmir-a civil leh police-te beihnaah pawh ṭum eng emaw zat an lo tel tawh niin an sawi.

March 21 khan J&K-ah vek hian JeM firfiak pahnih chu secuirty force-ten Baramulla district-a Kalantara-ah an lo kaphlum tawh bawk. An inbeihnaah hian secuirty force pathumin hliam an tuar a ni.