Vanglaini - Serlui-B HEP ngaihsak turin ngen

KHAWTHLIR

MST bus hun

Transport department chuan, mipui tana remchan zawkna vangin Aizawl-Silchar MST bus service chu chawhnu dar 1-a chhuak tawh loin, zing dar 6-ah a chhuak ṭhin dawn tih a tarlang. Hei hi vawiin aṭanga hman ṭan a ni ang.

Medal lawmpui

Mizoram State Sports Council (MSSC) chuan nimin khan an office-ah tun hnaia infiamna chi hrang hranga Mizoram tana medal dawngtute chawimawimna hun an buatsaih a, Mizoram Commission for Women chairperson Vanlalawmpuii Chawngthu, MLA-in a hmanpui.

MCCF din cham

Mizoram Cancer Care Foundation chuan vawiin chawhma dar 11-ah Zemabawka Mizoram State Cancer Institute-ah an din champha an lawm dawn a, an member-te a tam thei ang ber kal turin an insawm.

Training buatsaih

World Vision India, Chhimtuipui ADP chuan nimin khan Lawngtlai Press Club-ah an area chhunga ṭhalai, thil chi hrang hrang training tura an thlante tan training an buatsaih. Training tura thlante chu puanṭhui zirtur mi 24, computer zirtur mi 12, motor khalh zirtur mi pahnih leh mechanic zir tur mi pahnih an ni.

Women’s Day

Mizoram University-a Public Administration buatsaihin nimin khan MZU-ah International Women’s Day an hmang a, 'Women in governance and their participation in politics' tih thupui hmangin workshop buatsaih nghal a ni. International Women’s Day hmannaah hian MZU vice chancellor Prof. R Lalthantluanga khuallian a ni a, zirtirtu leh zirlai ṭhahnem tak an tel. International Women’s Day hi March 8 a ni a, Pathianni a nih avangin niminah an hmang a ni.

Ruihhlo man

Excise & Narcotics department chuan nimin khan Edenthar-ah Lalruatthanga (23), Phunchawng Veng nia insawi hnen aṭangin heroin grams 3.15 an man. Lalruatthanga hi thubuai siam sak a ni.

DAWNTISEI

Serlui-B HEP ngaihsak turin ngen

MPC ṭhalaite chuan thuchhuah siamin, kawlphetha megawatt 12 pe chhuak thei tura siam Serlui-B Hydel Project chu megawatt 12 pe chhuak turin thuneitute'n endik thuai se an duh thu an tarlang. www.vanglaini.org

MPCY chuan, Serlui-B HEP chu megawatt 12 pe chhuak theia siam ni mah se, tunah hian megawatt 3 chauh a pe chhuak thei niin an sawi a, "A chhan ber chu an cable (wire) line pui a chak tawk lo a, dog cable (wire) hman a ni. Dog wire line hian megawatt 6 chauh a pe chhuak thei a, line lost a tam lutuk a ni," an ti. Panther cable (wire) lian megawatt 12 pe chhuak thei hmang turin sorkar an ngen a ni.

Share this Post

Login to comment

No Comments