Covid-19 vanga VTF/LTF duty thite Sorkarin Rs. 20,00,000-in a rál dawn

Council of Minister chu nimin khan chief minister Zoramthanga hoin Chief Minister's Office (CMO) Cabinet meeting room-ah an ṭhukhawm a, Covid-19 donaa thawktu village/ local task force (VTF/ LTF) duty, Covid-19 vanga thite ràlna (ex-gratia) atan Rs. 20,00,000 pek an remti.

Cabinet meeting-ah hian agenda 21 ngaihtuah a ni a; VTF/LTF volunteer-te an duty-na aṭanga Covid-19 an kài avanga thite hnenah cheng nuai 20 pek an pawm tâk chu Finance department aṭanga rawtna lut a ni.

Nimina Joint Action Committee on Amalgamation of GAD & SAD-in Secretariat kawta an dodal, General Administration Department (GAD) leh Secretariat Administration Department (SAD) chhûn fin rawtna chu an pawm. Hei hi inrêlbâwlna felfai zawk a awm theih nana tih a nih thu tarlan a ni.

Agenda zinga pakhat, Lunglei Municipal Council din rawtna chu agenda aṭangin paih rih a ni a, ngaihtuah zingah a tel lo.