Boruak bawlhhlawh vangin India-ah mtd 1.2 chuang thi

Air pollution chungchanga report tihchhuahah kum 2017 khan India ramah boruak bawlhhlawh vangin mi maktaduai 1.2 chuang an thi nia tarlan a ni.

He report hi US-a Health Effects Institute (HEI) siam niin, nimin khan an tichhuak a ni. Kum 2017 khan khawvel pumah outdoor leh indoor air pollution vang hian mi maktaduai nga dawn an thi nia tarlan a ni. Report chuan air pollution-in a thlen natna hrang hrang vanga thi zinga mi maktaduai thum chu India leh China mite an nih thu a sawi. India ramah chuan air pollution chu thihna thlentu tam lamah a pathumna a ni pha a, meizial zukin thihna a thlen aiin air pollution vanga thi hi an tam zawk a ni, a ti.

India rama nau piang tharte chu boruak bawlhhlawlh vang hian an dam chen tur chu kum hnih leh thla rukin a tawi phah nia tarlan a ni bawk.