US-in India hnena anti-sub-marine helicopter lei tir remti

United States chuan India hnenah multi-role MH-60 'Romeo' Seahawk helicopter 24 leitir a remti niin State Department chuan a sawi a, hei hi US dollar tluklehdingawn 2.4 man tur a ni.

India chuan anti-submarine hunter helicopter hi lei tumin kum eng emaw chen a lo buaipui tawh a ni. US hnen aṭanga a lei tur, Lockheed Martin siam helicopter hi hun rei tak an hman tawh, British siam Sea King helicopter thlakna atan a hmang dawn a ni. MH-60 hi anti-submarine helicopter a nih bakah, tuipuia thil zawn leh chhanchhuah hna thawhna atan pawh hman theih a ni ang.

Thawhlehni khan US Congress hnenah Indian defence force-te tana MH-60R multi-mission helicopter 24 leitir rem tih thu hi hriattir a ni. State department chuan helicopter an leitir tur hian US foreign policy leh national security hnuaiah US-India inlaichinna tihchakna kawngah pawh nasa takin a pui dawn a ni, a ti.