Air India thlawh belh dawn

Air India chuan Aizawl leh Kolkata inkarah naktuk, Thawhlehni aṭangin thlawhna a thlawh belhtir dawn. GAD Aviation Wing-in hriattir a chhuah danin, Air India additional flight hi Thawhlehni, Nilaini leh Ningani-ahte a thlâwk ṭhin dawn a, Imphal a tlawh tel ṭhin ang.

Air India thlawhtheihna thlâwk pangngai baka thlawhna dang thlawh belh tur an ruahmanna dan chuan, Kolkata aṭangin chawhma dar 10:25-ah a thlâwk chhuak ṭhin dawn a, Imphal a tlawh zel dawn avangin chawhnu dar 1-ah Aizawl/Lengpui a thleng ang a; chawhnu dar 1:35-ah Lengpui Airport aṭangin a thlawk chhuak leh ṭhin dawn a ni.