MNF President a campaign

MNF president Zo­ram­­thanga chuan March 30, Inrinni khan Lok Sabha inthlanpui atan cam­paign-in Mamit leh Lengpui a tlawh a; van­tlang in­khawm­ah thu sawiin, thla thum chhunga MNF sorkar hna­thawh chu a ṭhat avangin Congress ho pawh­in an tuipui niin a sawi.

Zoramthanga chuan, MNF sorkarin Congress sorkar sum hman bâng hmangin a theih ang angin hmasawnna hna an thawk niin a sawi a, "Tun chin chauha kan hnathawh pawh hi ṭha an ti a ni ang Congress hian an tuipui tlat. Congress kum 10 sorkar hnathawh leh MNF thla thum hnathawh a inhnaih an ti deuh a ni ang, an buaipui em em a ni," a ti.

Eptu lamin beihna tur dang an hriat loh avangin Citizenship Amendment Bill (CAB) do ṭha duh loah an puh reng nia sawiin Zorama chuan, "Kan beih nasatzia an hre reng, sawi tur dang an tlachham êm a ni," a ti a; amah ngeiin CM a nih hnua Delhi a kal hmasak berah Prime Minister leh Home Minister te CAB chungchang a sawipui thu te, Cabinet meeting-ah leh Assembly House-ah CAB duh lohna an pass thu te, CAB duh lohna kawngzawhah minister-te an tel thu a sawi.