Tlangsam lal hriatrengna lungdawh hawng
Champhai South bialtu MLA TJ Lalnuntluanga, minister of state chuan nimin khan a bial chhung, Tlangsam khuaah Tlangsam lal Thanghlianga Sailo hriatrengna lungdawh a hawng a, deputy chief whip Lalrintluanga Sailo in a ṭawiawm.
TJ Lalnuntluanga chuan Thanghlianga Sailo leh amah thlahtute aṭangin Zofate inpumkhatna ngaihpawimawh a nih zia leh a ṭulzia lantir a nih thu sawiin, "An lal hun chhungin mirethei leh harsa tam takte chhawmdawlna pek ṭhin an ni. An thlah kalzel ami Pu Sangthankima'n fahrah leh riangvaite enkawlna hmun TNT a din chuan hmangaihna leh khawngaihna an kalpui chhunzawm zel tih a entir a ni," a ti.
Kum 20 lek mi nia Abor runa a fehchhuak leh kum 26 mi nia German ral run tura a fehchhuak chuan Thanghlianga Sailo huaisenzia a entir tih sawiin, "Lehkha thiam a nih avanga ṭawng thiam, ral runna hmuna hotu leh hruaitu ṭha a nih lantir avangin hotute aṭangin lawmman tam tak a dawng thei," a ti a, Thanghlianga Sailo chu mi entawn tlak tak a nih thu a sawi.
Thusawitu dang Lalrintluanga Sailo chuan Thanghlianga Sailo lalna tlang ngeia amah chawimawina leh hriatrengna hun buatsaih a ni chu lawmawm a tih thu sawiin, "Mahni thlahtute chawimawina hun buatsaih tura Pu Thanghlianga Sailo fate leh mi ṭhahnemngaite hmalakna hi a ropui takzet," a ti.
Thanghlianga Sailo (1891-1957) hi Ngur lal Lalsanga Sailo fapa niin Tlangsam, Zote, Buangtlang, N Khawbung leh Ngurte khaute a awp ṭhin a, kum 42 chhung ro a rel.
TJ Lalnuntluanga chuan Thanghlianga Sailo leh amah thlahtute aṭangin Zofate inpumkhatna ngaihpawimawh a nih zia leh a ṭulzia lantir a nih thu sawiin, "An lal hun chhungin mirethei leh harsa tam takte chhawmdawlna pek ṭhin an ni. An thlah kalzel ami Pu Sangthankima'n fahrah leh riangvaite enkawlna hmun TNT a din chuan hmangaihna leh khawngaihna an kalpui chhunzawm zel tih a entir a ni," a ti.
Kum 20 lek mi nia Abor runa a fehchhuak leh kum 26 mi nia German ral run tura a fehchhuak chuan Thanghlianga Sailo huaisenzia a entir tih sawiin, "Lehkha thiam a nih avanga ṭawng thiam, ral runna hmuna hotu leh hruaitu ṭha a nih lantir avangin hotute aṭangin lawmman tam tak a dawng thei," a ti a, Thanghlianga Sailo chu mi entawn tlak tak a nih thu a sawi.
Thusawitu dang Lalrintluanga Sailo chuan Thanghlianga Sailo lalna tlang ngeia amah chawimawina leh hriatrengna hun buatsaih a ni chu lawmawm a tih thu sawiin, "Mahni thlahtute chawimawina hun buatsaih tura Pu Thanghlianga Sailo fate leh mi ṭhahnemngaite hmalakna hi a ropui takzet," a ti.
Thanghlianga Sailo (1891-1957) hi Ngur lal Lalsanga Sailo fapa niin Tlangsam, Zote, Buangtlang, N Khawbung leh Ngurte khaute a awp ṭhin a, kum 42 chhung ro a rel.