KHAWTHLIR
Thisen pe
KṬP Day, February 16 pualin Inrinni khan Tuikhuahtlang Branch KṬP-in Synod Hospital tan thisen unit 32 an pe a, a petute mipa 25 leh hmeichhia pasarih an ni. Zobawk Bial KṬP-te'n Lunglei Civil Hospital tan unit 30 pein, a petute mipa 27 leh hmeichhia pathum an ni a; Diakkawn Branch KṬP-in Kolasib District Hospital tan unit 24 an pe a, a petute mipa 17 leh hmeichhia pasarih an ni. Saiha Branch KṬP pawhin an kohhran hall-ah blood donation camp huaihawtin, mipa 10 leh hmeichhia parukte'n Saiha District Hospital tan thisen unit 16 an pe bawk.
Tarmit sem
Health & Family Welfare dept. hnuaia NPCB&VI aṭanga kum upate tan a bika tarmit siam chu, tun hnai khan Diltlang leh Hmunnuam, Lunglei district-ah sem a ni a, tarmit hi mi 63 hnenah sem a ni.
Building hawng
Chaltlanga Sericulture department hnuaia Centre of Excellence building sak thar chu February 15 tlai khan Sericulture minister Dr K Beichhua-a'n a hawng. Centre of Excellence building hi NERTPS bultumin cheng nuai 65 sênga sak a ni a; puantah zirna, mikhual thlen
theihna leh eirawngbawlna hmunte a awm.