PYD (NEI) conference a ṭiak

UPC (North East India) ṭhalai pawl, Pentecostal Youth Department (PYD) Aizawl East District chuan February 14, Niangni zan aṭang khan Champhai Bethel Field, Chhura hmunah Conference vawi 25-na an hmang a, nizan khan a ṭiak. Inkhawmpui thupui chu 'Pathian beisei rawh' tih a ni.

Inkhawmpuiah hian February 15, Zirtawpni chhun khan district PYD president Rev. R Laltlankima kaihhruaiin rorel a ni a; an thurel zingah, Maternity Hospital din a nih theih nan General PYD-a thlen te, sikul dinte a tel. Conference-ah palai 1,400 vel an kal a ni.

Aizawl East District hi UPC (NEI) unit hnuaia district naupang ber a ni a, an district chhungah PYD member 6,754 an mekin, chu'ng zinga mi 2,334 (34.55%) chu vaihlo zûk leh hmuama fihlim an ni.