ZPM ṭhalaiin Minister an dem

ZPM ṭhalaite chuan thuchhuah siamin, tun hnaiah Citizenship Amendment Bill (CAB) chungchanga NESO bultuma political party hruaitu hrang hrangte dâwra kal MZP hruaitute hmalakna chu minister Robert Romawia Royte-in âtthlâk a tihsak niin an tarlang a; minister ṭawng dan chu pawi an tih thu an sawi.

ZPM ṭhalai chuan, "Hmasawnna tur sum dila zin kan Minister hian Delhi-ah sum tam tak leh hmasawnna tur a sawi chhuak pawh a ni mahna, hetih laia kan hnam tana mi ṭha­hnemngaite hetianga a ṭawng khum duh hi thil mak a ni. A sorkar ang pawha hmalakna duhkhawp tawh loh nâka laia hetiang ṭawngkam a cheh khum duh hi Mizo hnam pawisawina lian tak a ni," an ti.

Hmasawnna a pawimawh em em rualin, ram leh hnam a ral chuan hmasawnnain awmzia a nei lo tih sawiin ZPM ṭhalaite chuan, "State dang zirlai hruaitute chu an sorkarin nuamsa takin a siam laia kan zirlai pawl hruaitute erawh pháng takin an awm nia kan lo hre leh zelte hi a vanduaithlak tak zet a ni," an ti a; Minister chu âtthlâk a tih tak sawifiah turin an phût a ni.