MLA-in khawtlang hruaitute kâwm

Aizawl North-I bial­tu MLA Vanlal­hlana chuan nimin zing khan a bial chhunga Chal­tlang veng a fang a, Chaltlang Local Council leh tlawm­ngai pawl hrang hrang hruai­tute nen inkâwmin, veng hmasawnnna tura mamawhte an sawiho.

MLA Vanlalhlana hnenah hian Chaltlang­a pawl hrang hrangte chuan an mamawhte an thlen a; MLA chuan theihtawp chhuaha tihhlawhtlinsak a tum thu a hrilh.

Vanlalhlana chuan, Chaltlang chu veng changtlung, fai leh thianghlim tak a ni tih sawiin, faina leh thianghlimna chu hmasawnna rahbi pawi­mawh zinga mi a nih avangin chhunzawm zel turin a chah.

Vanlalhlana hian MUP building sakna hmun tur leh Chaltlang YMA Hall changtlung zawka sak ṭhat dan turte a hmunah a en a ni.