Champhaiah EVM endik a ni

Lok Sabha inthlanna neih tura inpuahchahna kal zelah, nimin aṭang khan Champhai DC Conference Hall-ah electyronic voting machine (EVM) endik hna ṭan a ni a, vawiinah chhunzawm a ni ang.

EVM khawlte endik hna hmasa ber, First Level Checking (FLC) of EVM hi District Election Officer (DEO) mawhphurhna la mektu Liansangzuala Chhakchhuak hoa neih a ni a; nikuma Assembly General Election-a vote thlakna atana hman EVM ballot unit (BU) 225, control unit (CU) 235 leh VVPAT 225 bakah, SVEEP hnuaia training nana hman BU, CU leh VVPAT 11 ṭheuhte chu ECIL engineer-te kaih­hruaina hnuaia endik a ni.

EVM-te chu Lok Sabha inthlan huna hman theih turin siam rem nghal a ni a, political party aiawha telte'n vote an thlak chhin (mock poll) nghal bawk. EVM endiknaah hian political party aiawh leh venhimna lam thawktute an tel a ni.