Adviser to CM-in enfiah

Adviser to Chief Minister C Lalramzauva chuan, nimin khan nakkuma KṬP General Conference nghahna tur Serchhip Leisekawt Mual laih zau dan tur a enfiah.

C Lalramzauva hi KṬP Gen.Conference Organising Committee, BDO staff-te leh khaw­tlang hruaituten lo dawngsawngin, Leisekawt Mual laih zau a; BDO quarter awmna tlang rawt tumna awm mek chu enfiahin, BDO Staff-te an ram chu ui hle mah se, khawtlang tan a nih piah lamah thuneitu sang zawk ten an rem tih a, inrem siamna a awm chuan an ui theih loh thu hrilh. 

Mual laihzau hna chu a hmun a fel phawt chuan harsatnaa awm dawn lo tih Chief Minister-in a sawi thu sawiin C Lalramzauva chuan, "Thuneitu sang zawkte nen chinfel a la ni ang," a ti.

Adviser to CM hian Govt. Serchhip College pawh tlawhin, thawktuten college mamawh hrang hrang an lo thlente chu bawhzui a tum thu a sawi a; Khawtetlang panna, Govt. Serchhip College ram paltlanga vantlang kawngpui kal mek sawnna tur hmun a en nghal.