Tourism lama hmasawnna tur sawipui

New Delhi-a chám mek Tourism minister Robert Romawia Royte chuan, nimin khan Union Tourism minister KJ Alphons a kâwm a, Mizoram tourism hmasawnna tur a sawipui.

Robert Romawia Royte hian Union Tourism Minister hi Kristianna hmanga khualzin hîp theihna remchang tak tak a awm thu hrilh­in, Tourism Ministry scheme pakhat PRASAD hmanga Kristian hmun pawimawhte khualzin hîp thei zawnga tihchangtlun a rawt. Robert Romawia rawtna chung­changah KJ Alphons chuan a theih ang anga lo ngaihtuah a tum thu a sawi.

Tourism Minister hian Union Tourism secretary Yogendra Tripathi pawh a kâwm a, Mizorama tourism project kalpui laia harsatna sutkian mek a nih dan a hrilh a ni.