NESO hruaitute'n Thackeray an kâwm

North East Students Organisation (NESO) chuan, nimin khan The Citizenship (Amendment) Bill, 2016 chung­changah Hindu nationalist party hotu Uddhav Thackeray leh a fapa Aditya Thackeray-te chu an chenna inah an kawm a; NESO hruai­tute zingah hian MZP hruaitute pawh an tel.

MZP thuchhuah chuan, NESO hruaitute hian political party hrang hrang hotute an hmuh hnuah BJP thawhpui lian Shiv Sena hotu Uddhav Thackeray leh Aditya Thackeray-te chu Matoshree, Mumbai-a an inah an hmuh thu a tarlang a, "CAB-in north east ram leilung fateah nghawng na tak a awm tur thute hrilhin, CAB do kawngah hmalakpuiah sâwm a ni," a ti.

Uddhav Thackeray chuan, CAB chu Shiv Sena-in an duh lo nia sawiin, Shiv Sena chu hmarchhak mipui lamah an din tlat a thu a sawi a; CAB chu theihtawp chhuaha an do tur thu sawiin, "India ram chu India mite ta tur a ni a, ram pawn mi Hindu an la lut duh a nih pawhin, dan dik loa lut zawng zawng hi hnawtchhuak vek hmasa rawh se," a ti bawk.

NESO hruaitute chuan Uddhav Thakeray chu CAB chungchangah Rajya Sabha-a vote thlak a nih hunan CAB chu do turin an ngen a; Thackeray-a chuan NESO ngenna chu a tihhlawhtlin tur thuin a chhang a ni.